Thursday, 13 June 2013
ඔබාමා පරිපාලනයට එරෙහිව නඩු පැවැරේ
ඇමෙරිකා රජය එරට වැසියන්ගේ දුරකතන ඇමැතුම්වලට හොරෙන් ඇහුම්කන් දෙමින් ඔත්තු බලන බවට චෝදනා කරමින්, ජනතාව වෙනුවෙන් පෙනී සිටින ‘ඇමෙරිකා ජනතා ස්වාධීනතා ආයතනය’ ඔබාමා පරිපාලනයට එරෙහිව නඩු පවරා ඇත.
ඇමෙරිකා රජය එරට වැසියන්ගේ දුරකතන ඇමතුම්වලට ඇහුම්කන් දෙන අතරම ඊ මේල් සහ අන්තර්ජාල සේවා හරහා ද ඔත්තු බැලීමේ කටයුතු කරයි. එය සිදුවන්නේ ජාතික ආරක්ෂක ඒජන්සිය මගිනි.
මේ බව එරට මාධ්‍ය අනාවරණය කළේ ජාතික ආරක්ෂක ඒජන්සිය, එසේත් නැතිනම් ‘එන්.එස්.ඒ.’ ඒජන්සියේ හිටපු නිලධාරියකු වන 29 හැවිරිදි ඇමෙරිකන් ජාතික එඞ්වන් ස්නෝව්ඩවුන් ඒ ගැන සියලූම විස්තර ලොවට හෙළි කිරීමත් සමඟය.
ස්නෝව්ඩවුන් ඇමෙරිකාවෙන් පලා ගොස් හොංකොංහි ජීවත් වන අතර ඔහු අත්අඩංගුවට ගැනීමට ඇමෙරිකන් රජය සූදානම් වෙයි.
ඇමෙරිකාව අන්තර් ජාල සේවා සැපැයුම් සමාගම් වන ගූගල් සහ ෆේස්බුක් හරහා ද එරට වැසියන් ගැන ඔත්තු බැලීම සිදුකරන බවද මේ වනවිට අනාවරණය වී ඇත. මෙම ඔත්තු බැලීමේ කටයුතු ආරම්භ වී ඇත්තේ 2001 වසරේ සැප්තැම්බර් 11 වැනිදා නිව්යෝක් නුවරට එල්ල වූ ත‍්‍රස්ත ප‍්‍රහාරයෙන් පසුවය.
ඇමෙරිකානු රජය පවසා ඇත්තේ ජාතික ආරක්ෂාවට තර්ජනයක් වන අන්දමේ ත‍්‍රස්තවාදී ප‍්‍රහාර පිටුදැකීමේ අරමුණින් තමන් එම ඔත්තු බැලීම සිදු කරන බවය.
Subscribe to:
Post Comments (Atom)
No comments:
Post a Comment